On Zientzia
On Zientzia, herritarren parte hartzeari esker ikus entzunezko eduki zientifikoak sortzeko proiektua da. Ekimena DIPCk eta Elhuyarrek antolatzen dute.
Orain arte bildutako bideo sorta hori Interneten bidez dago eskuragarri, eta Passion for Knowledge 2016 jaialdian, bideo hauen artean onenak ikusi ahal izango dira kultur eta aisialdirako hainbat zentrotan.
Helburua zientzia herritarrei hurbiltzea da ez-ohiko leku eta euskarriak erabiliz, esate baterako, zine klubak, hiri-pantailak edo kultur etxeak. Ekimen honetan parte hartuko dute, Ernest Lluch eta Okendo Kultur Etxeek, Kresala zine klubak eta Tolosako zine klubak, besteak beste.
